ସୂଚନାନୁସାରେ : ତତଲା କଢ଼େଇରେ ଭାଜି ହେଉଛି ଓଡିଶା l ଗ୍ରାମରୁ ମିଳିନି ତ୍ରାହି l କିନ୍ତୁ ଆସନ୍ତା ୬ ତାରିଖ ପର୍ଯ୍ୟନ୍ତ ତାତିରୁ ନାହିଁ ନିସ୍ତାର। ଯାହାକୁ ନଜରରେ ରଖି ହିଟୱେଭ୍ ଆଲର୍ଟ ଜାରି କରିଛି ଆଞ୍ଚଳିକ ପାଣିପାଗ କେନ୍ଦ୍ର। ଏହାସହ ରାଜ୍ୟରେ ଜାରି ରହିବ ଉଷ୍ମ ରାତିର ସ୍ଥିତି। ହେଲେ ୭ ରୁ ବଦଳିବ ପାଗ। ପଶ୍ଚିମଝଡ଼ ପ୍ରଭାବିତ କରିବ କରିବ ସାରା ରାଜ୍ୟକୁ। ୭ ଓ ୮ ତାରିଖରେ କାଳବୈଶାଖୀ ବର୍ଷା ଆଣିବ ସାମାନ୍ୟ ଆଶ୍ୱସ୍ତି। ଅନେକ ସ୍ଥାନରେ ୫୦ରୁ ୭୦ ପ୍ରତିଶତ ଆଦ୍ରତା ରହୁଛି। ଉଷ୍ମ ଓ ଆଦ୍ର ସ୍ଥିତି ଆହୁରି ୩ ଦିନ ଲାଗି ରହିବ । ଗ୍ରୀଷ୍ମ ପ୍ରବାହକୁ ଦୃଷ୍ଟିରେ ରଖି ବିଭିନ୍ନ ଜିଲ୍ଲାକୁ ସତର୍କତା ଜାରି କରାଯାଇଛି। ଆଜି କେନ୍ଦୁଝର,ଅନୁଗୁଳ, ବୌଦ୍ଧ,ନୟାଗଡ଼, ବଲାଙ୍ଗୀରରେ ହିଟ୍ୱେଭ୍ ନେଇ ୟେଲୋ ୱାର୍ଣ୍ଣିଂ ଜାରି କରିଛି ପାଣିପାଗ କେନ୍ଦ୍ର। ଉଷ୍ମ ରାତିର ସ୍ଥିତିକୁ ନେଇ ବଲାଙ୍ଗୀର, ବୌଦ୍ଧ, ଭଦ୍ରକ୍, କଂଧମାଳ ୟେଲୋ ୱାର୍ଣ୍ଣିଂ ଜାରି ହୋଇଛି ୬ ତାରିଖରେ ୬ ଜିଲ୍ଲାକୁ ହିଟ୍ ୱେବ୍ ନେଇ ଆଲର୍ଟ ଜାରି ହୋଇଛି । ସେପଟେ ୪୨ ଡିଗ୍ରୀ ଛୁଇଁଲା ୨ ସହରର ତାପମାତ୍ରା । ଗତକାଲି ମାଲକାନଗିରି ଓ ବୌଦ୍ଧରେ ତାତି ୪୨ ଡିଗ୍ରୀ ରେକର୍ଡ ହୋଇଛି । ସେହିପରି ୪୦ ଡିଗ୍ରୀ ଟପିଛି ୧୧ ସହରର ତାପମାତ୍ରା । ବଲାଙ୍ଗିର ଓ ଅନୁଗୁଳ ୪୧.୭ ଡିଗ୍ରୀ, ଝାରସୁଗୁଡ଼ା ୪୧.୬, ଟିଟିଲାଗଡ଼ ଓ ଭବାନୀପାଟଣା ୪୧ ଡିଗ୍ରୀ, ନୂଆପଡ଼ା ୪୦.୪, ରାଉରକେଲା ୪୦.୨ ଡିଗ୍ରୀ, ସୁନ୍ଦରଗଡ଼ ୪୦.୧, ତାଳଚେର ୪୦ ଡିଗ୍ରୀ ତାପମାତ୍ରା ଅଛି ବୋଲି ପାଣିପାଗ ବିଭାଗ ସୂଚନା ଦେଇଛି।
