ଓଡିଶା ବ୍ରାହ୍ମଣ ମହାସଂଘ ଆନୁକୂଲ୍ଯରେ ବିଶ୍ବକଲ୍ଯାଣ ମହାଯଜ୍ଞ ଅନୁଷ୍ଠିତ

ଓଡିଶା ବ୍ରାହ୍ମଣ ମହାସଂଘ ଆନୁକୂଲ୍ଯରେ ବିଶ୍ବକଲ୍ଯାଣ ମହାଯଜ୍ଞ ଅନୁଷ୍ଠିତ ରାଇରଙ୍ଗପୁର ସହରସ୍ତ କୁଚେଇବୁଢୀ ଅଧିନସ୍ତ ଶ୍ରୀ ପୂର୍ଣ୍ଣେଶ୍ବର ମନ୍ଦିର ପରିସରରେ ଓଡିଶା ବ୍ରାହ୍ମଣ ମହାସଂଘ ବାମନଘାଟୀ ଶାଖା ରାଇରଙ୍ଗପୁର ଆନୁକୂଲ୍ଯରେ ବିଶ୍ବକଲ୍ଯାଣ ମହାଯଜ୍ଞ ଅନୁଷ୍ଠିତ ହେଉଅଛି l ଗତ ୨୭ ତାରିଖ ଅଙ୍କୁରାରୋପଣ, ୨୮ ତାରିଖ ୨୧ଟି କଳସରେ ସ୍ଥାନୀୟ ବଡବନ୍ଧ ଠାରୁ ଜଳଯାତ୍ରା, ଯଜ୍ଞମଣ୍ଡପରେ ଦେବତାମାନଙ୍କୁ ଆବାହନ , ଅଗ୍ନି ସଂଯୋଗୀକରଣ ଏବଂ ଯଜ୍ଞ ଆରମ୍ଭ, ୨୯ ତାରିଖ ଯଜ୍ଞ କର୍ମକାଣ୍ଡ ଓ ବ୍ରତୋପନୟନ ଓ ୩୦ ତାରିଖ ଗୀତା ମହାଯଜ୍ଞ ଏବଂ ପୂର୍ଣ୍ଣାହୁତି ସମ୍ପନ୍ନ ହେବ l ଏଥିରେ ଶ୍ରୀକ୍ଷେତ୍ରପୁରୀ ର ପଣ୍ଡିତଗଣ ଅଭିଷେକ ଶତପଥୀ, ଜଗନ୍ନାଥ ଦାଶ, ଗଜେନ୍ଦ୍ର ବର୍ମା, ଗଣେଶ୍ବର ପାଣ୍ଡେ, ରଞ୍ଜନ ପଣ୍ଡା ତଥା ସ୍ଥାନୀୟ ପଣ୍ଡିତଗଣ ଜନରଂଜନ ଦାଶ ଓ ରବି ନାରାୟଣ ହୋତାଙ୍କ ବେଦମନ୍ତ୍ର ଧ୍ବନିରେ ମନ୍ଦିର ପରିସର ପ୍ରକମ୍ପିତ ହୋଇଥିଲା ବେଳେ ଯଜ୍ଞବେଦୀରେ କର୍ତ୍ତାକର୍ତ୍ତୀଭାବେ ଈଶ୍ବର ପ୍ରହରାଜ ଓ ସପତ୍ନିକ ବିଶ୍ବଜ୍ଯୋତି ପ୍ରହରାଜ ଉପବେସନ କରି ବିଶ୍ବକଲ୍ଯାଣ ମହାଯଜ୍ଞ କୁ ତ୍ବରାନିତ କରିଥିଲେ l ଏଥିରେ ବହୁ ଶ୍ରଦ୍ଧାଳୁ ଯୋଗ ଦେଇ ପ୍ରଭୁକୁପା ଲାଭ କରିଥିଲେ l ଉକ୍ତ ଆଧ୍ଯାତ୍ମିକ କାର୍ଯ୍ଯକ୍ରମରେ ଓଡିଶା ବ୍ରାହ୍ମଣ ମହାସଂଘ ରାଇରଙ୍ଗପୁର ଶାଖାର ସଭାପତି ଗଣେଶ ମିଶ୍ର, ଉପସଭାପତି ତରୁଣ ନନ୍ଦ, କାର୍ଯ୍ଯକାରୀ ସଭାପତି ଅର୍ଦ୍ଧେନ୍ଦୁ ଶେଖର ରଥ, ସମ୍ପାଦକ କ୍ରିଷ୍ଣା ଶର୍ମା, କୋଷାଧକ୍ଷ ଜୟକୁଷ୍ଣ ଦାଶ ତଥା କାର୍ଯ୍ଯକାରୀ ସଦସ୍ଯଗଣ ପରିଚାଳନାରେ ସାହାଯ୍ଯ ଓ ସହଯୋଗ କରିଥିଲେ l ମୟୂରଭଞ୍ଜ ରାଇରଙ୍ଗପୁର ରୁ ଶ୍ଯାମଳେନ୍ଦୁ ପରିଡାଙ୍କ ରିପୋର୍ଟ