ଆଜି ମାନ୍ୟବର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭିଡିଓକନଫାରେସିଂ ମାଧ୍ୟମରେ ବନ୍ଦେ ଭାରତ ଏସ୍କପ୍ରେସ୍ ଟ୍ରେନ୍ କୁ ଅପରାହ୍ନ ୧ଟ| ବେଳେ ଶୁଭ ଉଦଘାଟନ କରିଥିଲେ | ଏହି ଟ୍ରେନ୍ ଟି ଅତ୍ୟାଧୁନିକ ଜ୍ଞାନବିଜ୍ଞାନ କୌଶଳରେ ନିର୍ମାଣ କରାଯାଇଛି |ଏହା ୬ଘଣ୍ଟା ୨୫ ମିନିଟ୍ ରେ ପୁରୀ ଓ ହାୱଡା ୫୦୦ କିମି ଅତିକ୍ରମ କରିବ | ଯାହା ଯାତ୍ରୀମାନଙ୍କ ସୁବିଧା ଉପଯୋଗୀ ସହ ଏହାର ବେଗ ଘଣ୍ଟାକୁ ୧୬୦ କିମି ବୋଲି ସୂଚନା ମିଳିଛି | ଏହା ପୁରୀ ଷ୍ଟେସନରେ ଉଦଘାଟନୀ କାର୍ଯ୍ୟକ୍ରମ ଆୟୋଜିତ ହୋଇଥିଲା | ଏଥିରେ କେନ୍ଦ୍ର ରେଳ ମନ୍ତ୍ରୀ ଅସ୍ବିନୀ ବୈଷ୍ଣବ,କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ,ରାଜ୍ୟପାଳ ଗଣେଶୀ ଲାଲ,ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ତଥା ଅନ୍ୟମାନେ ଯୋଗ ଦେଇଥିଲେ | ଏହା ସହ କଟକ ଓ ପୁରୀ ରେଳଷ୍ଟେସନ୍ ର ଉନ୍ନତିକରଣ କରାଯାଇଥିଲା | ଏହି ଅବସରରେ ନୂତନ ରେଳ ଲାଇନ ବିଛୁପାଲି ରୁ ଝରତରଭା ଓ ଅନୁଗୁଳ ରୁ ସୁକିନ୍ଦା ଉଦଘାଟନ ସହ ସମ୍ବଲପୁର ରୁ ଟିଟଲାଗଡ ରେଳ ଲାଇନ ଦୋହାରିକରଣ ହୋଇଥିଲା | ତା ସହିତ ତୃତୀୟ ଲାଇନ ଟ୍ରେନ୍ ମନୋହରପୁର -ରାଉଲକେଲା-ଝାରସୁଗୁଡା-ଜାମଗା ର ଶୁଭାରମ୍ଭ ହୋଇଥିଲା | ଓଡିଶାର ସମସ୍ତ ରେଳ ଲାଇନକୁ ଶହେ ପ୍ରତିଶତ ବୈଦୁତିକ କରଣ କରାଯାଇଥିଲା | ଏହା ଓଡିଶାରେ ରେଳ ବିକାଶର ନୂତନ ଯୁଗ କହିଲେ ଅତ୍ୟୁକ୍ତି ହେବନାହିଁ | ଆଜି ଓଡିଶାର ସମସ୍ତ ଛୋଟ ଓ ବଡ ସହରରେ ଏହି କାର୍ଯ୍ୟକ୍ରମ ହୋଇଯାଇଛି | ରାଇରଙ୍ଗପୁର ରେଳ ଷ୍ଟେସନ୍ ରେ ମଧ୍ୟ ଭବ୍ୟ ଆୟୋଜନ ହୋଇଥିଲା | ଏଥିରେ ମୁଖ୍ୟ ଅତିଥି ରାଜ୍ୟସଭା ସାଂସଦ ଶ୍ରୀମତୀ ମମତା ମହାନ୍ତ,ସମ୍ମାନିତ ଅତିଥି ଭାବେ ରାଇରଙ୍ଗପୁର ବିଧାୟକ ନବଚରଣ ମାଝୀ, ଯଶିପୁର ବିଧାୟକ ଗଣେଶ ରାମ ସିଂ ଖୁଣ୍ଟିଆ ଓ ପୂର୍ବତନ ବିଧାୟକ ପ୍ରହଲ୍ଲାଦ ପୂର୍ତ୍ତି ଯୋଗ ଦେଇ ବନ୍ଦେ ଭାରତ ଟ୍ରେନ୍ ସଂମ୍ପର୍କରେ ସଂକ୍ଷେପରେ ବକ୍ତବ୍ୟ ରଖିଥିଲେ | ରେଳ ବିଭାଗୀୟ ତରଫରୁ ସମସ୍ତଙ୍କୁ ପୁଷ୍ପଗୁଛ ଓ ଉପଢୋକନ ଦେଇ ସମ୍ମାନିତ କରାଯାଇଥିଲା | ରେଳବିଭାଗୀୟ କତୃପକ୍ଷ ମଧ୍ୟରେ ରାଇରଙ୍ଗପୁର ରେଳ ଷ୍ଟେସନ୍ ର ଷ୍ଟେସନ ମାଷ୍ଟର ବଳରାମ ମାଝୀ ସହ ଚକ୍ରଧରପୁର ରେଳ ଡିଭିଜନ ର ସିନିୟର ଡିଏମ୍ଏମ୍ ଅସ୍ବିନୀ କୁମାର,ଏଇଏନ୍ ଏ କେ ପୁରାନ୍ ,ଏଓଇ ଏ କେ ସରଙ୍ଗି,ଟାଟା ଡିଭିଜନର ଏଆର୍ ଏମ୍ ହରଶ୍ବତ ଅରାନ,ଏଇଏନ୍ ଏଚ୍ ପି ସତପଥୀ,ଏଓଏସ୍ ଟିଇ ଅକ୍ଷୟ କୁମାର ନାୟକ,ଏଇଇ ଅରସଦ କମଲ,ଆର୍ ପି ଏଫ୍ ଏସ୍ କେ ତଜ୍ବାରୀ ପ୍ରମୁଖ ଉପସ୍ଥିତ ଥିଲେ | ଉକ୍ତ ସଭାକୁ ଏ କେ ସରଙ୍ଗି ପରିଚାଳନା ସହ ଧନ୍ୟବାଦ ଦେଇଥିଲେ | ଏଥିରେ ରାଇରଙ୍ଗପୁର ସହରର ମାନ୍ୟଗଣ୍ୟ ବ୍ୟକ୍ତି ଓ ନିମନ୍ତ୍ରିତ ଅତିଥିଗଣ ଯୋଗଦାନ କରିଥିଲେ | ରେଳବାଇ କର୍ମଚାରୀ ବୃନ୍ଦ ସହଯୋଗ କରିଥିଲେ | ଏହି ଭବ୍ୟ କାର୍ଯ୍ୟକ୍ରମୁ ଉପଭୋଗ କରିବା ପାଇଁ ସ୍ଥାନୀୟ ଲୋକେ, ଆଇଟିଆଇ ର ଛାତ୍ରଛାତ୍ରୀ ଯୋଗ ଦେଇଥିଲେ | ସୁଦୂର ଟାଟାରୁ ସ୍କାଉଟ୍ ଛାତ୍ର ଗଣ ଓ ଚକ୍ରଧର ରେଳ ଡିଭିଜନ ର କର୍ମଚାରୀଗଣ ସାସ୍କୃତିକ କାର୍ଯ୍ୟକ୍ରମ କରିଥିଲେ | ଏହି ବିଶାଳ କାର୍ଯ୍ୟକ୍ରମରେ ରାଇରଙ୍ଗପୁର ରେଳ ଷ୍ଟେସନ ରେ ବହୁ ସଂଖ୍ୟାରେ ଜନସମାଗମ ପରିଲକ୍ଷିତ ହୋଇଥିଲା |ରାଇରଙ୍ଗପୁରରୁ ଶ୍ୟାମଳେନ୍ଦୁ ପରିଡାଙ୍କ ରିପୋର୍ଟ
